नयन देखि दिलमा छिर्ने आभास गजब छ
सागर माथि तस्बिर कोर्ने प्रयाश गजब छ ।
चनाखो भै सम्हालिन् आफै छैन भर मौषमको
पलमै हुन्छ धमिलो कालो आकाश गजब छ ।
भेट्टीयो आज किताब माझ फुल त्यो ओइलेको
ओइलिए पनि गुलाबमा मन्द सुबास गजब छ ।
कोसिस एकै मेरो सधैको अतित बिर्सी जाउँ
सुगन्ध उस्कै ल्याउँछ फेरी बतास गजब छ ।
जिन्दगी अल्झ्यो कहानी जस्तै फेरोमा समयको
अतृप्त प्यास नजरको उही तलाश गजब छ ।
फुल्यो होला सुनाखरी,फेरिदै होला रङ्ग
घरको माया सम्झाई रन्छ प्रवास गजब छ ।
अचम्मै भाछ खै किन मुटु धड्किदै छ बेस्सरी
जिन्दगी र मृत्यु बीचकै यो सन्त्रास गजब छ ।
No comments:
Post a Comment